Во прво лице-ИСИДОР ЈОВАНОСКИ

ПРАШИНАТА НА СЦЕНАТА Е СРЕЌА

1. ЗА СЕБЕ : Може подобро.

2 . ЗА ЉУБОВТА: Кога тогаш.

3. ЗА ЖИВОТОТ: Исправена глава.

4. ЗА ТЕАТАРОТ:Медитација.

5. ЗА ДОБРОТО: Секоја чест.

6. ЗА ЗЛОТО: Скокај го.

7. ЗА НЕПРИЈАТЕЛИТЕ: Тоа е фудбалот..

– А, ПРИЈАТЕЛИТЕ?Што повеќе голови!

8. ЗА ГЛУМАТА ВО ЖИВОТОТ: Понекогаш неизбежна, напати излишна.

9. ЗА СЦЕНСКАТА ПРАШИНА:Среќа.

10. ЗА КОЛЕГИТЕ: Асистенција.

11. ЗА НЕОДИГРАНИТЕ УЛОГИ: Повеќе пот.

12 . ЗА ИДЕЈАТА: Реализација.

13. ЗА СОНОТ: Плус здравје.

14. ЗА ЈАВЕТО: Помалку Кока-Кола.

15. ЗА ВИНОТО: Понекогаш само го пијам.

16. ЗА СЕМЕЈСТВОТО: Носечки темел.

17. ЗА КРАЈ , ЗА МТФ„ ВОЈДАН“, ЗА МЛАД АКТЕР: Плус одговорност кон театарот.

Со доделување на наградите и омаж „Драмски за Конески“, заврши 55. МТФ „Војдан Чернодрински“

Со доделувањето на наградите на најдобрите и со омаж на првенците на Драмски театар за великанот Блаже Конески вечерва во Прилеп е затворен 55.Македонски театарски фестивал „Војдан Чернодрински“.

За најдобра е прогласена претставата на битолскиот театар „И коњите ги убиваат, зар не“, во режија на Мартин Кочовски, кој ја понесе наградата за најдобра режија.

Оценувачката комисија на 55-от Македонски театарски фестивал „Војдан Чернодрински“ Прилеп, во состав: Звездана АНГЕЛОВСКА – претседател и членовите Бајруш МЈАКУ и Александар МИЛОСАВЉЕВИЌ ја објави одлуката за доделување на наградите

1. НАГРАДА ЗА РЕКЛАМЕН МАТЕРИЈАЛ на Борче Димитријоски за рекламниот материјал од претставата „ЕДВАРД РАЦЕ НОЖИЦИ“ во изведба на НУ Театар за деца и младинци – Скопје,

2. НАГРАДА ЗА КОРЕОГРАФИЈА И СЦЕНСКИ ДВИЖЕЊА на Игор Киров за кореографија и сценски движења во претставата „ЕДИП КОМЕНТАРИ“ во изведба на НУЦК „АцоШопов“ – Театар Штип,

3. НАГРАДА ЗА МУЗИКА на групата Фолтин за музиката во претставата „И КОЊИТЕ ГИ УБИВААТ, ЗАР НЕ?“ во изведба на НУ Народен театар – Битола,

4. НАГРАДА ЗА КОСТИМОГРАФИЈА на Роза Трајчевска–Ристоска за костимите во претставата „МОЈОТ МАЖ“ во изведба на НУ Драмски театар – Скопје,

5. НАГРАДА ЗА СЦЕНОГРАФИЈА на Ивана Кнез за сценографијата во претставата „ГЛЕМБАЕВИ“ во изведба на Театар „Војдан Чернодрински“ – Прилеп,

6. НАГРАДА ЗА СОВРЕМЕНА СЦЕНСКА ДРАМАТИЗАЦИЈА на Нела Витошевиќ и Викторија Рангелова–Петровска за драматизација на колажот од раскази на Румена Бужаровска во претставата „МОЈОТ МАЖ“ во изведба на НУ Драмски театар – Скопје,

7. НАГРАДА ЗА ТЕКСТ не се доделува,

8. НАГРАДА ЗА МЛАД АКТЕР „ТРАЈКО ЧОРЕВСКИ“ на Исидор Јованоски за улогата Оливер Глембај во претставата „ГЛЕМБАЕВИ“ во изведба на Театар „Војдан Чернодрински“ – Прилеп,

9. НАГРАДА ЗА МЛАДА АКТЕРКА на Сабина Мемиши за улогата Олга во претставата „МУРЛИН МУРЛО“ во изведба на НУ Албански театар – Скопје,

10. НАГРАДА ЗА ЖЕНСКА ЕПИЗОДНА УЛОГА на Гентиана Рамадани за улогата Ина во претставата „МУРЛИН МУРЛО“ во изведба на НУ Албански театар – Скопје,

11. НАГРАДА ЗА МАШКА ЕПИЗОДНА УЛОГА „ДИМЧЕ ТРАЈКОВСКИ“ на Горан Стојаноски за улогата Силвестер во претставата „КРИК ЗА ЉУБОВ“ во изведба на НУЦК „Григор Прличев“ – Народен театар – Охрид,

12. НАГРАДА ЗА ГЛАВНА МАШКА улога на Јордан Симонов за улогата Филип во претставата „МОЈ ТЕРМИН“ во изведба на НУ Македонски народен театар – Скопје,

13. НАГРАДА ЗА ГЛАВНА ЖЕНСКА УЛОГА на Наталија Теодосиева за неколкуте ликови во претставата„МОЈОТ МАЖ“во изведба на НУ Драмски театар – Скопје,

14. НАГРАДА ЗА РЕЖИЈА на Мартин Кочовски за претставата „И КОЊИТЕ ГИ УБИВААТ, ЗАР НЕ?“ во изведба на НУ Народен театар – Битола,

15. НАГРАДА ЗА УМЕТНИЧКО ОСТВАРУВАЊЕ НА ПРЕТСТАВА ВО ЦЕЛИНА на претставата „И КОЊИТЕ ГИ УБИВААТ, ЗАР НЕ?“ во изведба на НУ Народен театар – Битола,

16. НАГРАДА ЗА СЕВКУПЕН УМЕТНИЧКИ АНГАЖМАН И РЕЗУЛТАТ НА АВТОРОТ И АКТЕРИТЕ на претставата „МОЈОТ МАЖ“ во изведба на НУ Драмски театар – Скопје

.Доделувањето на наградите е закажано за вечер во 19:00 часот на сцената во театарот “Војдан Чернодрински”.

УТРЕ – Промоција на книгата „Горан во Драмски“ во рамки на МТФ „Војдан Чернодрински“ во Прилеп – 12,00ч

Предмет: #Промоција на книгата „Горан во Драмски“ во рамки на МТФ „Војдан Чернодрински“ во Прилеп

Почитувани,

Ве известуваме дека Драмски театар Скопје на 6.10.2021 година, ќе ја промовира монографијата „Горан во Драмски“, чиј приредувач е Александра Бошковска, во рамки на МТФ „Војдан Чернодрински“ во Прилеп. Промоцијата ќе се одржи во просториите на НУЦК „Марко цепенков“ со почеток во 12 часот.

Монографијата ги отсликува почетоците и долгогодишната работа на Горан Стефановски како драмски писател и дава осврт на драмски текстови (напишал над 30 драмски текстови, од кои повеќе од 14 се премиерно изведени во Драмски театар Скопје), сценски либрета и едночинки. Во книгата се автентично претставени и моменти од неговата соработка со режисерите и неколку генерации актери кои се развивале оживувајќи ги Горановите дела во Драмскиот театар.

НУ Турски Театар премиерно „ВИШНОВАТА ГРАДИНА“ во режија на Владимир Милчин/1 октомври (петок) 2021 г. во 19.30 часот.


НУ Турски Театар ВИШНОВАТА ГРАДИНА
 
Автор: Антон Павлович Чехов
Режија: Владимир Милчин
Сценографија: Крсте С. Џидров
Костимографија: Марија Пупучевска
                 
Улогите ги толкуваат:
Љубов Андреевна Рањевска: Бедија Беговска 
Ања: Емине Халил
Варја: Несрин Таир
Леонид Андреевич Гајев: Елјеса Касо
Ермолај Алексеевич Лопахин: Џенап Самет
Петар Сергеевич Трофимов: Селпин Керим
Борис Борисович Симеонов Пишчик: Неат Али
Шарлота Ивановна: Сузан Акбелге
Семјон Пантелеевич Епиходов: Осман Али
Дуњаша: Слаѓана Вујошевиќ
Фирса: Зиба Радончиќ
Јаша: Хакан Даци
Еден минувач: Ерман Шабан
 
 
 ЧЕХОВ НАШ СОВРЕМЕНИК
 
„Вишновата градина“ одново предизвикува со својата актуелност во времињата на општествени турбуленции кога со подемот на новите слоеви, односно класи, драматично се менуваат и сите вредности.
„Вишновата градина“ е објавена во 1903 година, а следната година праизведбата во МХАТ ја режирал Станиславски, кој играл и една од главните улоги. Станиславски ја прочитал како трагедија, а Чехов ја сметал за комедија со елементи на фарса. Сите подоцнежни постановки на „Вишновата градина“ во основа се разликуваат по тоа дали во нив преовладува трагичното или комичното. Режисерите се справувале со двојната природа на пиесата, најчесто во зависност од тоа кога и каде ја поставувале. Најлошо поминувале оние кои, инсистирајќи на трагичното, западнале во сентименталност.
„Вишновата градина“ е пиеса за залудноста, бескорисноста и јаловоста на аристократијата во напорот да го зачува својот статус, но и пиеса за буржоазијата во напорот да му даде значење на својот новооткриен материјализам сведен на алчност и варварство.
„Вишновата градина“ денес е драма за транзицијата, за неподносливата леснотија на пропаѓањето на човештвото и цивилизацијата. Алчноста на новозбогатените криминалци безмилосно го уништува човештвото уништувајќи ја неговата колевка, Земјата, уништувајќи ја природата и сè што живее во неа. Она што вџашува е немоќта на луѓето да се противстават, да ја одбранат културата и природата, да ги одбранат вредностите на цивилизацијата пред новите варвари.
Прогресот не е гарантиран. Тркалото на историјата стигна до пролетерската револуција, но од неа се изроди новата класа манипулатори чија алчност не знае за граници. „Вишновата градина“ е сценска минијатура во најубавото значење на зборот, во нејзините камерни димензии се содржи трагедијата на светот во кој живееме.
 
Владимир Милчин

Претставата „Пиреј“ се одигра во демирхисарско Белче

„Пиреј“ во режија Џон Блондел

Во демирхисарското село Белче се одржа премиера на претставата „Пиреј“ во режија Џон Блондел, која ќе има репризно прикажување и вечерва и утре вечер.

– Верувам дека сите, каде и да одиме или каде што сме во нас ја носиме топлината на тие души. Па во ова без малку паузирано време да поразговарам малку со нив за да видам до кај сум, до кај сме, како сме.. Да ми дадат совет, да им се исповедам, да им се пожалам, да им се пофалам… И, се разбира, да направам муабет за во иднина, истакна актерот Огнен Дранговски.

Претставата е во продукција на Lit Moon World, а Џон Блондел со оваа претстава повторно се враќа во земјава по гостувањето во Битолскиот театар во 2013 година, кога ја режираше „Хенри Шести“ и со која овој театар беше дел од големиот проект за изведба на дела од Шекспир во театарот „Глоуб“ во Лондон.

– Иако тогаш не знаевме, овој проект всушност започна пред четири години, кога Огнен Дранговски ме доведе во селото на неговиот дедо во Белче. Одамна напуштената куќа и другите градби беа силни потсетници на начинот на кој луѓето живееле, се смееле… умирале. Подоцна, кога ми кажа за „Пиреј“ на Петре М. Андреевски, знаев дека мораме ова да го направиме заедно и тоа мораше да биде во Белче. Приказната на романот за преживувањето меѓу бруталноста, апсурдноста и бесмисленоста на Балканските војни во почетокот на 20 век, се совпаѓа совршено со местата, звуците и мирисите на Белче. Ви се појавува вид нова состојба – сведоштво за минатото, а светол зрак за иднината и подарок за луѓето што ја споделуваат истата линија и кои ја испумпуваат истата крв, како Јон и Вeлика. Ова стана едно од моите најбогати искуства, вели Блондел.

Костимите во претставата се дело на Благој Мицевски, а учествуваат и гости музичари од САД, Џејмс Конели и Сајмон Блондел. Делото на Сергеј Андреевски е употребено наместо постер за претставата.

– По подолго време и од познати причини оваа прилика за работа на амбиентален театар на некој начин нè враќа и во неговата суштина. Театарот е жива материја, непосреден контакт со актерот и респект кон сè што не опкружува. Уживав во секој момент од работата со оваа интернационална екипа која допатува од другиот крај на светот за повторно да ни ги реоткрие вредностите на авторот и убавините на неговиот роден крај, изјави Мицевски.

Во претставата играат и група млади од Битола и од Демир Хисар – Бојана Јанкуловска, Анастасија Чипуровска, Александра Василевска и Љубен Најдовски.

Јелена Жугиќ вака се збогува со Сабина

 Имав огромна чест да бидеме колешки, партнери на сцена, пријателки, да делиме иста гримиорна во Драмски, да ми биде голема поддршка на почетокот на кариерата. Задоволство беше да се учи и за театарот и за животот од Сабина Ајрула Тозија 
Паметам како вчера да беше…
-иако во театарот имавме одличен шминкер, Сабина инсистираше да ме научи како сама да се гримирам, ми велеше: “само така ќе се концентрираш, со секој потег на четката, моливчето,сенката…полека ќе се трансформираш и влегуваш во ликот кој го играш”…ме научи и дека иако премиерата поминала никогаш текстот не го носиме дома, се додека се игра претставата текстот стои во шкафче и пред секоја претстава го повторуваме иако го знаеме…ме научи како со полни плуќа да “дишам” на работното место, како со леснотија и насмевка да ги надминувам “зад кулисните игри” и професионално да созревам…

Поминаа години од како последен пат се прегрнавме, кариерата на Сабина заблеска на меѓународно ниво и јас со задоволство и гордост ги следев нејзините успеси.
Величенствена жена, врвен професионалец и голем голем Човек

Почивај во мир драга Сабина, нека ти е вечно Името и Славата
❤️❤️❤️❤️❤️❤️❤️❤️❤️❤️❤️❤️❤️❤️ Види помалку

Од 3 до 17 август: По две години пауза повторно ИФАД „Стоби 2021“

Во археолошкиот локалитет „Стоби“ од 3 до 17 август, по две години пауза, ќе се одржи 18. по ред Интернационален фестивал на античка драма „Стоби“, на кој освен од земјава ќе има и по еден театарски ансамбл од Австрија и еден од Босна и Херцеговина во копродукција со македонски театар

Освен претстави ќе има и промоција на публикации од претставите и проекција на документарни филмови на паркингот на велешкиот театар. Организацијата на фестивалот, со одлука на Советот на Општина Велес е префрлена во НУЦК „Јордан Хаџи Константинв Џинот“ Велес.

Свеченото отворање е на 3 август во 21 часот на просторот на Теодосијанската палата во Стоби, со премиера на претставата „Орестија“, копродукција на НУЦК „Јордан Хаџи Константинов-Џинот“ и Националната опера и балет од Скопје, за чија реализација се потрошени 1,2 милиони денари.

– Министерството за култура го финансира фестивалот со 1 милион денари, а со 300 илјади денари Општина Велес. Од поголемите спонзори се „Дрекслермаер“ и „Маркарт“, хотел „Интернационал“, „Божиновски“ и други, информира на денешниот прес в.д директорот на велешкиот театар Сашо Димоски.

Како и досега, на фестивалот ќе се доделат наградите „Гран при“ за најдобра претстава, награда за најдобра женска и машка улога и за најдобра режија. Наместо статуетките, спонзорот „Божиновски“ за сите наградени ќе додели по еден дијамант. Жирито на фестивалот ќе го сочинуваат Васил Зафирчев, Роза Трајчевска и Кети Борисовска.

Поради пандемијата бројот на публиката на претставата во Стоби ќе биде 200 гледачи со почитување на мерките за заштита од Ковид-19, а во салата на велешкиот театар капацитетот ќе биде исполнет 30 проценти. Билети може да се резервираат и купат на билетарата на театарот.

– Организиран автобуски превоз како во изминатите години за Стоби годинава ќе нема, појаснија организаторите.

СОМНИТЕЛНО ЛИЦЕ Премиера 27.07.2021/ театар Битола

СОМНИТЕЛНО ЛИЦЕ Бранислав Нушиќ

Превод: Илија Милчин

Адаптација и режија: Деан Дамјановски

Сценографија и дизајн на плакат: Филип Јовановски

Изработка на сценографски елементи: Иванчо Велков

Костимографија: Андреј Папаз Ѓоргиевски

Композитор: Марјан Неќак

Видео дизајн : Гоце Веселиновски
Изработка на сценографски елементи: Иванчо Велков
Тон – мајстор: Александар Димовски

Светло – мајстор: Горан Петровски

ЛИЦА:

ЈЕРОТИЕ ПАНТИЌ, Началник на околија – Марјан Ѓорѓиевски

АНЃА, негова жена – Валентина Грамосли

МАРИЦА, нивна ќерка – Јулијана Мирчевска

ВИЌА, обвинител – Никола Пројчевски

ЖИКА, полициски инспектор – Филип Мирчевски

МИЛИСАВ, полициски инспектор – Петар Спировски

ТАСА, помлад инспектор – Борче Ѓаковски

ЃОКО – Никола Стефанов

АЛЕКСА ЖУНИЌ, околиски шпиун – Александар Копања

СПАСЕ, трговец – Александар Стефановски

МИЛАДИН,трговец – Васко Мавровски

АЛЕКСА, виртуелен асистент – Сандра Грибовска

Инспициент: Димитар Михајловси Суфлер: Мирјана Христовска

Премиера: 27.07.2021

ПРЕМИЕРА 16.07.21 – 20:00ч “МУРЛИН МУРЛО”

Албански театар Скопје

ПРЕМИЕРА 16.07.21 – 20:00ч “МУРЛИН МУРЛО”

Автор: Николај Кољада

Режија: Кристина Димитрова

Лектор: Илир Ајдини

Сценограф: Енес Деари

Костимограф: Марија Пупучевска

Музика: Томе Темелковски

Печатен материјал: Димитар Димитров

Kristina Dimitrova
Кристина Димитрова

Реч на режисерката Неговата драма „Мурлин Мурло“ е стилски совршена и жанровски неодредена. Уште во самиот наслов содржи тажно подбивање – прекар што провинциското гратче и го дал на душевно болната Олга од биполарно пореметување, девојка со трагичната суднина да биде главна мета за малтретирање. Мурлин Мурло е симболична кукла, а сепак живо човечко суштество, крик за подобар живот што оддекнува и на нашите простори. Дејствието се случува во провинцискиот руски град Сипиловск, кој е толку далеку од секое место кое го знаеме, и толку мал, што повеќето луѓе го немаат напуштено во текот на целиот живот. Дваесет и седум годишната Олга е една од нив, а драмата ја отсликува безнадежноста на нејзината егзистенција, нејзиното бркање на самата себе во нејзиниот внатрешен свет. Таа пишува детски песни во својот дневник и единствениот пријател што го има е Бог, кој ја посетува и управува со неа. Гледаме дека е грдото пајче што никогаш не пораснало и поради тоа ја нарекуваат Мурлин Мурло. Опшетсвото во желба за реформи создава суштества што, од искрена потреба за среќен живот, завршуваат ринтајќи на градилишта, немоќни на своите деца да им обезбедат примарно образование, ни правилна здравствена нега. Сите живеат и преживуваат во своите мали кафези и светови. Мајките стануваат ороспии, децата дебили, а принцот на белиот коњ – ѕвер. Во претставата се зборува за таа општествена девијација, за осаменоста, за желбата да се содзаде свет со љубов, надежи и страсти.

Кристина Димитрова

Играат: Сабина Мемиши, Елдин Широки, Гентиана Рамадани. Дритеро Аме.

Реализација: Раководител на сцена: Ибрахим Џемаили Испициент: Орхан Кадриу Лани Светло: Идавер Џемаили и Ахмет Чајани Тон: Нади Беџети Кројачи: Зира Аземи и Баки Курти Гардеробери: Атиџе Демири, Аднан Реџепи и Кадрије Авдиу Шминкери: Авди Билал и Нора Питарка

Реквизитер: Сулејман Ибрахими

Декоратери: Африм Рустеми, Џанер Мусиќ, Ремзи Халили и Суат Алиу

ОТВОРАЊЕ НА 14. ПАНФИЗ НА ОТВОРЕНО – ПЛАТО МНТ

Почитувани,Со оглед на актуелната ситуација во светот со корона-кризата, и ние како фестивал се обидуваме да се прилагодиме на сите протоколи кои се нужни, па така и оваа година, 14. ПАНФИЗ, по втор пат ќе се одржи на отворено и тоа пред МНТ-платото на северозападната тераса.

Местата ќе бидат ограничени (30), во корелација со просторот, а по препорака на Комисијата за здравство. Во случај на невреме претставите ќе се играат на малата сцена на МНТ. Билетите ќе бидат поделени пред претставата по принципот прв дојден прв услужен, за сепак да создадеме некаков ред во однос на препораките. Дезинфекциски средства ќе бидат поставени на видни места за ваша и наша заштита.

Се надеваме дека и овогодишната програма која во прилог ја доставуваме ќе предизвика интерес кај нашата публика, па со внимание ќе го проследиме и ова издание на ПАНФИЗ.

Оваа година имаме ексклузивна македонска фестивалска премиера и тоа во режија и кореографија на Ирена Лозинска – претставата се вика „Четири“ и е сублимат на физички театар, буто, танц и пантомима. „Алис ин Вондербанд“ од Србија и оваа година е на ПАНФИЗ, но овојпат со целодневна работилница наречена „Телото како инструмент“, која ќе биде вистинско освежување за млади таленти, но и постари актери заинтересирани за перкусионистички елементи, пеење, ритмика и актерска игра. Од Бугарија ни доаѓа Александар Илиев, со претставата „Комедија дел’ арте“, а ќе видиме и два буто перформанси, во продукција и изведба на Нектан Арт Центар, Марко Стојановиќ од Србија, а тоа се претставите „Светиот Маченик“ и „Спајдердаст“.Идејата е да не застанеме и да не ја прекинеме традицијата. Продолжуваме да чекориме и да ја промовираме пантомимата и физичкиот театар колку и тоа да изгледа тешко во овие времиња. А тешко е.



НУ МАКЕДОНСКИ НАРОДЕН ТЕАТАР
ул.11-ти Март бр.3 1000 Скопје Република Македонија