Почина Нада Ѓуревска во Сарево

Eдна од најзначајните актерки во екс Југославија, родена во Македонија

Речиси немаше филм во Босна и Херцеговина во кој таа немаше улога, па така има глумени во над 30 филмови и десетина ТВ серии.

Една од најзначајните босанскохерцеговски актерки со македонско потекло, Нада Ѓуровска, почина синоќа во 65-та година од животот.

Таа е родена на 8 јануари 1952 година во Скопје, а во Сараево доаѓа како шестгодишно девојче. Во текот на животот стана сараевска легенда, а во текот на војната играше на сите три сцени на сараевските театри. Речиси немаше филм во Босна и Херцеговина во кој таа немаше улога, па така има глумени во над 30 филмови и десетина ТВ серии. Колегите од цела поранешна Југославија денеска на социјалните мрежи се простуваат со неа.

„Алиса зад огледалото” на Иван Поповски

  • Театарот „Мастерскаја П. Фоменко” од Москва, на 16 и 17 септември со почеток во 18.00 часот, на сцената на МНТ ќе ја прикаже преставата „Алиса зад огледалото” во режија на Иван Поповски, наменета за публика над седум годишна возраст.


Претставата е работена според двете книги за Алиса од Луис Керол, од кои Иван Поповски ја избрал понепознатата и многу поретко поставуваната и филмуваната приказна за „Зад огледалото” – како потеатарска, и при тоа со цврста структура и правила, што го задава тонот на постановката.

„Алиса зад огледалото“ во „Мастерскаја Фоменко“ – е вистинска енциклопедија на весел апсурд. Тука е можно практично сѐ, бидејќи на секое „зошто“, може да се одговори – затоа што тоа се случува „зад огледалото“, каде што сѐ е можно или да се каже дека сето тоа е само сон. 

Претставата изобилува со многу чуда и пресврти – бидејќи тоа е, нели, приказна. Сценографијата се надополнува со светлото, видеоефектите, магионичарските пресврти… И, се разбира, во претставата има многу музика: многу стихови кои се вградени во кероловскиот текст се поставени врз музиката и во оваа претстава пеат практично сите.

Така, „Алиса зад огледалото“ за 7 години е одиграна 311 пати и продадени се околу 120.000 влезници 

„Алиса зад огледалото” е првата претстава за деца и возрасни на „Мастерскаја П. Фоменко” и првата претстава од ваков вид на Поповски. И оваа претстава ја одушеви критиката, која заклучи дека „… Поповски го послушал советот на писателот да не ги објаснува неговите измислици, а си поставил за цел да ги оживее на сцената… поубава и поинвентивна претстава не може да се изнајде низ цела Москва…”. Претставата ја одушеви и специфичната публика за која Поповски по прв пат режираше, а критиката уште напиша: „да се забавува сегашното, во секој поглед разгалено дете со театарски средства, така што неговите очи да светат од воодушевување цели три часа – оф, тоа не е лесна работа!”. „Алиса зад огледалото” ја доби наградата Златен витез за најдобра претстава за деца.

Се затвори 25. ФКТ “РИСТО ШИШКОВ”

Златен медалјон за актерката Тања Бошковиќ

– Многу ми значи наградата, многу сум возбудена и почестена. Ние може зборуваме на слични јазици, но постои дух кој секаде е ист, и на Гренланд и на Аљаска, секаде актерите се актери, изјави Бошковиќ.

Познатата српска актерка Тања Бошковиќ ја доби наградата за врвни актерски достигнувања на 25. издание на Фестивалот за камерен театар “Ристо Шишков”. Признанието го доби за улогата на Марија Клаиќ во претставата „Солзите се ОК” од Мирјана Бобиќ -Мојсиловиќ, а во продукција на Театарот “Ѕвездара” од Белград.

Наградата која и ја додели жирикомисијата во состав Зијах Соколовиќ, Маја Драманска, Благоја Стефановски, Тодор Кузманов и Гоце Ристовски се состои од златен медалјон со ликот на доајенот на македонското глумиште Ристо Шишков и парични средства во износ од 1.500 евра.

– Многу ми значи наградата, многу сум возбудена и почестена. Ние може зборуваме на слични јазици, но постои дух кој секаде е ист, и на Гренланд и на Аљаска, секаде актерите се актери, изјави Бошковиќ.

На завршната церемонија на затворањето на фестивалот кој траеше од 8 до 12 септември, беа доделени и наградите на Меѓународната театарска асоцијација НЕТА.

За најдобра претстава е прогласена „Да го поздравиш и да ми го бациш…” во продукција на “Артопија# од Скопје. Наградата за режија ја доби Мартин Кочовски за “Коските што доаѓаат доцна‘‘ во продукција на Националниот театар од Приштина, а за најдобар текст наградата му припадна на авторот Теки Дервиши. Оваа претстава ја доби и наградата за костимографија за Нојман Војкова.

 

 

 

Претставата на струмичкиот театар “Џон Габриел Боркман” е наградена за сценографија на Милена Пантелеева, а Кољо Черкезов за машка улога…

ФКТ “Ристо Шишков”, награда за МАШКА УЛОГА, доделена од НЕТА на Роберт Ристов, за улогата Ѓорѓи Мочев во претставата ПРВИН ЌЕ МЕ ЗЕМЕШ…

Асоцијацијата НЕТА додели и награди за машка улога на актерите Иван Видосављевиќ од театарот од Крагуевац и неговиот колега Здравко Малетиќ, а награди за женска улога добија Камелија Лишковска за улогата на Нора во истоимената претстава од театарот во Враца и Исидора Рајковиќ за улогата на Оливера во претставата на театарот од Крагуевац

НОБЕЛОВЕЦОТ ИГОР ТОМЕВСКИ СО ПОНУДА НА БРОДВЕЈ!

 

Игор Томески, првиот Македонец награден од Нобеловото семејство и Нобеловците-лауреати (добитници на Нобелова награда), на само 20 години добива понуда за работа во театарот Бродвеј, најгледаниот и најпродадениот театар, во срцето на американската и светската театарска индустрија. Повикан од познатиот њујоршски театарски продуцент и автор Кенет Вирт, добитникот на престижните Тони Награди (еквивалетни на филмските Оскари во театар) и Награда од Драмската Лига во 2017 за претставата Џитнеј, тетовецот беше поканет во канцеларијата на Вирт на Бродвеј во Мидтаун Менхетен во јуни оваа година. Благодарение на богатото портфолио на Томески во кое се наоѓаа 10 годишно театарско актерско искуство, авторски драми, 3 часовни пиеси, поставени драми од Џорџ Орвел, Антон Павлович Чехов на многу рана возраст, како и добиени признанија и награди од Нобел, на Игор Томески му се нуди соработка. Како редок помеѓу врсниците, тој е повикан да работи на сцените на Бродвеј во режисерскиот дипартмент.

  • Се радувам на оваа понуда која што,да бидам искрен, ме изненади. Свесен сум дека станува збор за можеби најграндиозниот театар, и се уверив дека се работи за големи имиња, големи сали и големи случувања. Понудата за соработка од нивна страна стои отворена. Моментално сум во мојата татковина, имам повеќе големи проекти кои ги работам на повеќе страни и земји, и перидов ми претстојат неколку работни патувања низ Европа.Во овој перод времето го поминувам на оваа страна од океанот, работно и со семејството, но сепак сум горд на уште еден мој голем успех, на тоа што успеав да стигнам дури и до вратите на Бродвеј. Тоа е доказ дека напорната работа и големото срце можат да ве одведат во неверојатни правци и на неверојатни места. Сигурен дека со Бродвеј ќе се дружиме наскоро, во иднина, оптимст е Игор.

Но, има и уште нешто…

“Моментално работам и на сопствен проект,  нешто кое којшто сум го посаувал одамна и за којшто ќе дознаете наскоро. Овие патувања, проекти, дружби, и време поминато со моето семејство ме потсетуваат на мојата прва телевизиска реплика од Марко Цепенков на 8 години.

” Убо е вака што сме се собрале заедно да бидеме оти луѓето се створени да се дружат меѓу себе дури се живи. Дните инаку врват и нам ни се кусат. Дните си летаат како со крила и дните праат годиње и ние ќе се свршиме ама тие нема да свршат Затоа добредошле! ”  

Со оваа реплика на ум, сметам дека вистинската среќа е да го правите она што вам ве прави среќни во тој даден момент, или како што вели филмот „Покрај морето“ на Џоли и Пит, да се препуштите на брановите, за плимата и осеката сами да ве носат…

 

 

Teатар

 

Театар ((lat. theatrum < grč. ϑέατρον: театар), театар, институција каде што се одржуваат претстави што се однесуваат на сценската уметност.

Неопходни елементи без кои не може да има театарска претстава се:

  • глумец/и
  • сцена – сценаријо
  • публика

Класичната поделба на театарските форми е поделена на:

  • Драма (комедија, трагедија и драмска драма)
  • Опера
  • Балет

Модерние поделби се нешто пофлексибилни, па под главните театарски форми обично подразбираат:

  • Драмски театар (базиран на драмски текст)
  • Играчки театар (драмски театар, модерни драмски театар, балет)
  • Музички театар (музички, исто така опера и операта)
  • Куклен театар (анимација на кукла или други предмети)

Народно, богатството и разновидноста на театарските форми и традиции, како европски и неевропски, денес нуди огромен број на форми, стилови и разновидни театарски форми, нивни мешавини и хибриди.

Поврзете се

  • Парче (театар)
  • Театарoт по држави
  • Листа на глумци
  • Листа на режија
  • Историја на театарот

На денешен ден умрел Јордан Хаџи Константинов – Џинот

Познати негови дела се „Таблица перваја“, „Плач на скопското училиште многу трудное“, „Аврора“, „Труд ми е името“, „Минерва и деветте музи“, „Разговор или вистински човек“, „Училишта и учење“ и др.

По завршувањето на ќелијните школи во родниот град, Јордан своето школување го продолжил во Самоков и Солун. Работата како учител во Велес ја започнува во 1838 година кога отпочнува со реализирање на идејата за воведување на народен македонски јазик во училиштата. Покрај воведувањето на народниот македонски јазик во училиштата Џинот е заслужен и за осовременувањето на наставата, бидејќи вовел нови предмети. Со тоа учениците покрај тоа што добивале знаења за свештени лица, со новите предмети внесени од Хаџи Константинов, учениците се здобивале и со знаења кои подоцна со успех ги применувале во трговијата и занаетчиството. Училиштето во Велес се наоѓало во црква во која клисар бил неговиот татко. По несогласувањата со гркоманско настроените градски големци околу употребата на народниот македонски јазик во наставата, тој бил протеран од Велес. По протерувањето од и затворањето на неговото училиште во Велес, Хаџи Константинов патувал во Солун, Света Гора, Србија и Влашко. Во 1848 година заминал на работа како учител во Скопје во познатата скопска црква Света Богородица каде останал 10 години.

Во Скопје како учител бил повикан од побогати трговци од македонска националност како Константин Икономов, браќата Попови, Кочови, Зафир Малев и други угледни граѓани од Пајко Маало, за што бил плаќан со годишна плата. За време на својот престој во Скопје, Џинот ги извршил и првите метеоролошки мерења на времето во Македонија. Од Скопје на големо незадоволство на македонското население бил истеран од турските власти кои биле потплатени од гркоманските фамилии и свештеници. Интензивно работел на организирање приредби и училишни претстави, соработувал со “Цариградски весник”, ги интензивирал врските и преписките со разни културни установи, а особено во Русија.

Неговата развиена просветителска дејност предизвикала прогони од власта и губење на работата. Учителствувал и во Прилеп од каде истотака бил протеран поради жестоките судири со фанариотите, а од Западна Македонија собирал стари книжевно-историски документи. По прогонот од Прилеп, кратко време учителствувал и во селото Ваташа во ќелијните училишта во Моклишиот и Полошкиот манастир. Од 1860-1866 година бил прогонет на 101 година робија во Мала Азија, која со помош на негови пријатели се смалила до 3 години и каде го изгубил едното око. Сите години по враќањето ги поминал во родниот Велес.

Умрел на 29 август, 1882 година. Неговиот гроб се наоѓа во дворот на црквата “Св. Спас”.

Роден бил во Велес, во 1820 година.

„Охридско лето“ свечено ќе се затвори на просторот од поранешната касарна

На 20-ти август „Охридско лето“ свечено ќе се затвори

Театарската претстава „Ничија земја“ во изведба на  Македонски народен театар што ќе го затвори годинешното 57-мо издание на фестивалот „Охридско лето“, наместо во предворјето на црквата „Света Софија“, ќе се одигра на просторот од некогашната  воена касарна во Охрид.

Сцената е автентична со приказната во претставата бидејќи темата е војна. Самиот простор кај некогашнта касарна што и’ служел на армијата ќе даде дополнителна симболика на случувањата.

„Ничија земја“ е слика на апсурдот на балканските народи и нивните ирационални интеракции како во мирнодопски, така и во воени услови. Драмската ситуација-војна во која се развива оваа црна комедија е метафора на нашата перманентна духовна, но и фактичка состојба на „војна и омраза“ до „братските“ соседни народи, но и внатрешно меѓу луѓето.

Директорката на Националната установа „Охридско лето“ Сузана Вренцовска смета дека фестивалот треба да се отвора кон нови сцени зашто самиот град го нуди тоа.

– Ова е одлична можност да се отвори фестивалот „Охридско лето“ како сцена. Охрид е град каде што буквално секое катче, секој агол може да се претвори во сцена, вели Вренцовска.

Свеченото затворање на оваа најголема музичко-сценска манифестација во Македонија и во регионот ќе се случи на 20-ти август.

извор: Охридско лето 

Замина Сем Шeпард, ( 1943 – 2017 )

 

 Aктер и драмски писател

01.08.2017

Роден е Самуел Шепард Роџерс III    5 ноември 1943 година
Форт Шеридан, Илиноис, САД
Починал 27 јули 2017 (на возраст од 73 години)
Мидвеј, Кентаки, САД

Неговото последно појавување на екран беше во Нетфликс серијата „Бладлајн“, а критиката последен пат високо ја оцени неговата театарска глума во оф-Бродвеј продукцијата на „Број“ на Карил Черчил од 2004

Сем Шепард, актер и еден од најважните и највлијателлните драмски писатели на театарското движење „Оф Бродвеј“ почина во 73. година од животот и зад себе остави повеќе од 40 драми, 70 улоги на филм и во телевизиски серии, есеи, мемоари, романи.

Тој во своите текстови се занимаваше со темната страна на животот на американското семејство. Го сметаа за еден од најоригинлните гласови на својата генерација.

Како актер, Шепард настапи во десетици филмови, а во 1983 година беше и номиниран за Оскар за споредна машка улога во филмот „Пат во вселената“.

Шепард во својата кариера напиша и 44 драмски дела и поголем број романи, мемоари и куси раскази. Во 1979 година тој ја доби и Пулицировата награда.

Како дете кое пораснало на ранч во Калифорнија, Шепард во своите дела најчесто пишуваше за теми поврзани со експлозивните семејни состојби и со машката доминација на американскиот Запад.

Како актер, тој оствари повеќе од 70 улоги на филм и на телевизија. Играше во фимовите „Бејби бум“, „Челични магнолии“, „Досие Пеликан“, „Слеп хоризонт“, „Френсис“, „Париз, Тексас“, „Кукавичкото убиство на Џеси Џејмс“…

Глумеше и во театар за што добиваше одлични критики.

Беше познат и како автор на кратки приказни, есеи и мемоари.

Доби Пулицерова награда за „Закопаното дете“ во 1979, а уште две негови драми беа номинирани за истата награда и беа прикажувани на Бродвеј

Неговото последно појавување на екран беше во Нетфликс серијата „Бладлајн“, а критиката последен пат високо ја оцени неговата театарска глума во оф-Бродвеј продукцијата на „Број“ на Карил Черчил од 2004.

Објавени носителите на награди во Албанија

НА МАКЕДОНСКОТО КУЛТУРНО ЛЕТО во Мала Преспа

Претставите „Театар љубов моја” и „Синиот портокал” се најнови театарски продукции на велешкиот театар.

Театарот „Јордан Хаџи Константинов – Џинот” од Велес ги освои наградите за најдобра машка и женска улога на 10. издание на Македонското културно лето во Мала Преспа, Албанија, на кое настапи на 28 и 29 јули со претставите „Театар љубов моја” и „Синиот портокал”.\

Актерката Зорица Панчиќ е добитник на наградата за најдобра женска улога за улогата во претставата „Театар љубов моја” од Валери Петров, во режија на Деан Дамјановски, во која настапуваат и актерките Кица Ивковска, Кети Борисовска и Талија Настова.

Додека, пак, актерот Фаик Мефаилоски е добитник на наградата за најдобра машка улога за улогата на Ерџан во претставата „Синиот портокал” од Џо Пенхол, во режија на Александар Ивановски, во која настапуваат и актерите Самоил Стојановски и Жарко Спасовски.

Претставите „Театар љубов моја” и „Синиот портокал” се најнови театарски продукции на велешкиот театар.