Во знак на протест за притворот на Владо Јовановски актерите пред полна сала ја одложија претставата „Ничија земја“

 

Пред полна сала актерите на МНТ вечерва ја одложија претставата Ничија земја. Целиот актерски тим излезе пред присутните во МНТ и извинувајќи и се на публиката соопшти дека во знак на протест за притворот на нивниот колега претставата нема да се одигра.

По ова публилата беше замолена да ја напушти салата. Јовановски доби притвор во рамките на акцијата за настаните на 27 април во Собранието.

ПОКЛОН!!!

 “ Снежната кралица “  Ханс К.Андерсен

 

Премиера на 29.11.2017год. 19.00часот ТДМ

Kласична бајка за прв пат објавена во 1844 и оттогаш не престанува да биде инспирација на различни автори кои што различно ја интерпретираат понесени од личниот порив, вдахнувајќи го во неа својот печат, согласно потребите на времето, настаните итн.. Неконвенционалната раскажувачка постапка на Ханс. К. Андерсен, која што е повеќе лирска одошто дидактичка ги претвора неговите сказни во поема на животот без граници. Оттаму и инспирацијата на авторката Билјана Крајчевска, за создавање еден современ препрочит, кој користејќи ги мотивите на сказната како предлошката, раскажува приказна за пријателството кое што не може да се растури, пријателство на кое што му стрепат сите опасности на современото општество почнувајќи од конзумеризмот што ги изместил сите вредности, кои допрва треба да се преоткријат. Режисерката Драгана Милошевски –Попова ја концепира фабулата низ чудесното патување на девојчето Герда. Таа е спремна да направи сѐ за да го пронајде својот пријател којшто е заробен во смрзнатото срце на Снежната кралица, покажувајќи ни ја моќта на вистинското пријателство. Ова е претстава за љубовта и растењето испишани од перото на едно дете. Во претставата се натпреваруваат две доминантни сили. Снежната кралица со своите невидливи сили, лукавоста и злото на која ја тера осаменоста, е претставник на ладниот разум и не може да сфати дека постојат наспроти неа такви кои што се спремни да се откажат од сопствениот интерес и да се жртвуваат заради љубовта и пријателството.

“Царот Владислав”

Во четврток 23 премиера- НТ “ Антон Панов “  Струмица

текст Борис Јанков

режија Бранко Ставрев

За претставата рече

Во „Царот Владислав“ Борис Јанков не ги измислува личностите и настаните, туку ги наоѓа во средновековната историја, и од нив создава сопствена уметничка слика и поглед на свет.

Ползувајќи ги искуствата на античката и на елизабетинската крвава драматургијa, тој се обидува на современата македонска драма  да и’ додаде релевантни значења од кои може да се гради актуелен театар. Неговите трауматизирани и монструозни херои се затекнати во жестока борба за власт, без бирање средства кои ја оправдуваат нивната мрачна цел.

Во процесот на преточување на стихуваната драма во претстава, направена е адаптација со изземање на одреден број лица, со што е постигнато згуснување на драмското дејство, пред се со закрепнување на ликовите кои се базични носители на дејството.

Нашата патувачка театарска трупа мноштвото амбиенти ги заменува со празен сценски простор за да го потсили индивидуалниот и колективниот (хорски) актерски израз и динамичниот тек на играта.

Некој, некаде, некогаш беше изјавил дека историјата се повторува како фарса. „Царот Владислав“ е повод уметнички да истражиме дали таа фамозна сентенца е жива вистина или мртва лага.

Се’ започна од мислата за претстава врз урнатините на Цареви кули над Струмица за да заврши во Самоиловата тврдина во Охрид и во античките театри, во Хераклеја, Стоби и Скупи.

Бранко Ставрев

 

“Кец на десетка”

Ноа претстава на МНТ

КЕЦ НА ДЕСЕТКА
(насловна тема од истоимената претстава на “МНТ”)

Исполнуваат: Тања Кочовска, Драган Спасов Дац, Нина Деан, Александар Микиќ, Ивица Димитриевиќ

Музика: Yazoo – Only You / Yazoo cover
Текст, адаптација, аранжман : Александар Митевски
Продуценти: Александар Митевски / Бобан Василески
Гитари : Бобан Василески
Армоника : Војче Петрушев
Кларинет : Зоран Крагуевски

Фото – Видео : Драган Гајиќ
Монтажа : Бобан Стоименовски

PIKADO creative collective
Македонски Народен Театар Скопје

„Волшебникот од Оз“ – Л. Френк Баум

 

„Волшебникот од Оз“ (Wizard of Oz) е американски филм на режисерот Виктор Флеминг од 1939 година, правен по книгата на Л. Френк Баум, кој раскажува за Дороти Гејл и нејзиниот пат до Оз, каде што треба да го најде познатиот волшебник, за тој да ѝ помогне да си го најде патот за дома.

„Волшебникот од Оз
The Wizard of Oz“
Wizard oz movieposter.jpg      

Постер за кино-претставата
Режисер Виктор Флеминг
Без препишана заслуга: Мервин Лирој , Ричард Торп
Кинг Видор
Продуцент Мервин Лирој, Артур Фрид
Сценарист Ноел Ленгли, Флоренс Риерсон, Едгар Алан Вулф
Л. Франк Баум роман
Настапуваат  Џуди Гарланд – Дороти Гејл,  Френк Морган – Проф. Марвел, Реј Болгер – Плашилото, Берт Лар – Лавот, Џек ХејлиБили Бурк 
Музика Херберт Стотхарт, 
Песни: Xаролд Арлен, Јип Харбург
Кинематографија Херолд Росон
Дистрибутер Metro-Goldwyn-Mayer(почетен)
Warner Bros. и Turner Entertainment(моментален)
Премиера август 12 1939

Постои верзија на овој филм од 1925, на режисерот Лери Семон. Оваа верзија на „Волшебникот од Оз“ има посебно место во историјата на филмот, заради неговата гламурозност.

Во книгата „Волшебникот од Оз“ се раскажуваат приказните на неколкуте ликови кои започнуваат едно необично патување, водени од својот недостаток и барајќи надеж за негово остварување, длабоко во себе носејќи ја желбата истиот да го престорат во сопствена предност. Но, дали е поважна целта или самото патување е едно од прашањата кои Ве засегнува, читајќи ја ова книга, како и тоа дали само во нас може да се пронајде сето она што го бараме од другите.

Најсложените прашања во оваа книга се одговараат на едноставен начин, со што таа се здобива со саркастична нијанса, во која може да се ужива „патувајќи“ заедно со ова необично, но многу забавно друштво.

Во Македонија е можеби една од најиграните претстави како во

Театарот за деца и младинци во Скопје, така и во другите театри низ земјава,

 

 

 

 Куманово Прилеп,

а во мометов се прави  “ Волшебникот од Оз “ и во Влешкиот театар. Поставките се најчесто за малите деца, но секако тоа треба да го погледаат сите оние кои се чувствуваат така.

Никола Ристановски ја доби 48 награда, овојпат за улогата на Иванов

 

На 25. Меѓународен театарски фестивал на класици “Вршачка театарска есен”, Р. Србија, актерот Никола Ристановски ја доби наградата најдобар актер за улогата Иванов во истомената претстава, продуцирана од Народно позориште Белград.

За Ристановски ова е 48 награда.

Стручното жири, во состав: Слободан Савиќ/претседател на жирито и театарски критичар, Душан Белача/писател и театарскиот режисер Александар Швабиќ, едногласно ја донесе одлуката наградата за најдобар актер да се додели на Никола Ристановски.

Честитки за актерот кој неуморно и маестрално ја реализира секоја театарска, сериска и филмска улога.

 

ПРЕКРАСНО ТЕАТАРСКО ДОЖИВУВАЊЕ ВО ПРЕДВОРЈЕТО НА СВ. СОФИЈА

Руските врски – опасно добри!

Приказната за љубовта како вечна тема на борба помеѓу половите пропратена со разочарување, болка, изневера и себеуништување, ни ја доловија плејадата извонредни руски актери од Вера Комисаржевскаја со суптилната режисерска палка на нашиот Дејан Пројковски, нудејќи ни уште едно фантастично театарско искуство на 55. Охридско лето

Приказната за љубовта како вечна тема на борба помеѓу половите но и за доказ на индивидуалните афинитети да знаеш да љубиш, знае да биде понекогаш монотона, без перспективна, жестоко-патетична, со оксиморонски привид дека нешто се случува. Но, ако оваа приказна и дефиниција ја завртите со сета жестокост кон тоа како индивидуалните перформанси стануваат жестоко чудовишни и енергични атрибути на сопственото поимање на љубовта и на тоа што значи да љубиш, тогаш се добива грандиозно дело преку кое ја осознаваме сета “опасност“ на добрата игра со и за Еросот и Танатосот на Душата…

Вакво нешто имавме можност да видиме преку “Опасни врски” на театарот “Вера Комисаржевскаја” од Санкт Петербург, Русија, завчера во предворјето на Св. Софија, во закрилата од светлините на нашиот езерски град Охрид…

Дека големата руска душа и кога пати умее да се спои со било кој дел од светот доказ беше и душевниот призвук и контакт со публиката на мајсторите на актерската игра Евгенија Игумнова како маркизата Де Мертеј и Владимир Крилов како виконт Де Валмонт кои всушност беа предводниците во играта на уште десетмина маестрални руски актери кои ја овоплотиле во прекрасно доживување режијата на нашиот Дејан Пројковски.

Неговата приказна не е лишена од класичното, од извонредно водениот развој на дејствието но и од физичкиот танцов театар кој беше извонредна прислуга на врзивното ткиво помеѓу страста, разочарувањето, болката од изневерата и себе уништувањето.

За тоа оваа уметничка плејада надополнета со македонскиот авторски тим Валентин Светозарев (сцена), Благој Мицевски (костими), и Горан Трајковски (музика) и сценските движења на Елена Прокопева ни понудија доказ дека светот и уметничкиот век ја имаат и Македонија за своја.

Борче ГРОЗДАНОВ

Алан Форд и група ТНТ во Прилеп

 „Алан Форд и група ТНТ во Тотална измама“ – нова претстава на „Театарска работилница Прилеп“

Во изведба на „Театарска работилница Прилеп“ синоќа во народниот театар „Војдан Чернодрински“ беше прикажана претставата „Алан Форд и група ТНТ во Тотална измама“. Идејата за претставата започнала уште пред неколку години во Загреб. Режисерот Игор Трпчески таму пронашол работна верзија на текстот во драматизација на Дарио Харијачек. Текстот бил преведен и оваа година добиле средства од Министерството за култура за реализација на овој проект.

Пораката на претставата произлегува од социјалните случувања насекаде во светот, како што се на пример бегалците. Трпчески вели дека ова е претстава за сите бегалци во целиот свет. Тој додава дека светот треба на сите нив да им подаде рака. Политичките пораки пак кои се упатуваат со претставата биле еднакви за сите држави и простори во светот.

Во претставата освен професионални актери глумат и аматери, дури и луѓе кои за прв пат се вклучуваат во глумата и театарот, кои имаат сосема различни професии од актерството.

Инаку ова е 5-та по ред претстава на „Театарска работилница Прилеп“. Режисерот Трпчески се надева дека во иднина Министерството за култура ќе финансира повеќе претстави на алтернативните и независни групи за да може да има баланс помеѓу националните театри и овие проекти.

Еден од актерите, Емил Солески, по професија е скулптор и за прв пат учествува во една претстава. Во овој проект пред се влегол како сценограф, но потоа се приклучил на актерската екипа. Вели дека е врсник со стрипот Алан Форд чие прво издание излегува во мај 1969 година и истакнува дека му е особено драго што е дел од една ваква екипа и еден ваков проект.

10. МЕЃУНАРОДЕН ТЕАТАРСКИ ФЕСТИВАЛ НА СЛЕПИТЕ БИТ/СЛЕПИ И ТЕАТАР

 

Продолжува театарската светлина!

Преку 10. Меѓународен театарски фестивал на слепите насловен како БИТ/Слепи и театар луѓето својот вид и внатрешност го манифестираат на сцената… Настапија театарски групи од Црна Гора, Германија, САД, Велика Британија и Хрватска.

Оваа година бебињата на илузијата се родени со предиспозиција ” како скептици во пркос “, но и како издолжена сончева светлина…

Целиот фестивал е по идеја на театарот  ” Нов живот “, формиран во 1948 година, еден од најстарите театри и еден од ретките кој опстојува, сеуште, во културна и театарска Европа. Пред речиси седум децении ” Нов живот ” шкрипна срамежливо, со гестови и зборови на слепи и лица со оштетен вид, пркосејќи на општествените текови и судот на општеството, полно со предрасуди и неверување…за сето тоа да заврши/започне со френетичен аплауз!

http://www.novizivot.hr/?/hr/

Токму затоа, ” Нов живот ” , на фестивалот, промовираше и презентираше спиритус мовенс, што гарантира долг фестивалски живот, но, и на Театарот, кој и понатаму ќе го третира патот на зборот, гестот и светлината…