МИЛАН КНАШКО ДОБИТНИК НА НАГРАДАТА АКЕТРОТ НА ЕВРОПА 2021

MИЛАН КНАШКО

МИЛАН КНАШКО ДОБИТНИК НА НАГРАДАТА АКЕТРОТ НА ЕВРОПА 2021

Овогодинешното 19-тото издание на Интернационалниот театарски фестивал Актерот на Европа2021, ќе се одржи од 6 -11 јули.Оваа година, добитник на главната награда, Актер на Европа 2021 е познатиот актер МиланКнашко од Словачка, со богата филмска и театарска биографија, поранешен соработник на ВацлавХавел, министер за култура и министер за надворешни работи на Словачка.Фестивалот Актерот на Европа, кој традиционално се одржува од 6 до 11 јули, оваа година ќе сеима онлајн издание, заради ситуацијата која настана со глобалната пандемија COVID-19.Како што е познато, овој фестивал започна летото 2003 година, кога Европскиот парламент гопрогласи Препанското езеро за Меѓуграничен европски парк, меѓу Македонија, Грција и Албанија.

Со ова престижно признание, Милан Кнашко, своето име ќе се вгради во европската меморија наконтинентот, покрај имињата на досегашните добитници, како што се Љуба Тадиќ (Србија), Јон Карамиитру (Романија), Милена Зупанчич (Словенија), Ана Патресон (Шведска), Марсел Бозоне(Франција), Раде Шербеџија (Хрватска), Брус Мејерс (Велика Британија), Селма Алиспахиќ (БиХ),Марија До Сеу Гера (Португалија), Арт Доброши (Косово) итн.

Запрепастувачки е да се одбележи дека, и покрај тоа што во 19-годишното постоење овааединствена интернационална манифестација на бреговите на Преспанското езеро, со околу 200 библиографски единици во најпознатите европски новински медиуми како „Фигаро“, „Монд“,„Гардијан“ итн., оваа година не доби поддршка од Министерството за култура.

Фестивалот свечено ќе биде отворен со стиховите од класиците на македонскaта, грчката и албанската поезија, а потоа ќе следуваат поздравните говори на лауератот Милан Кнашко, директно од Братислава, амбасадорот на Словачка во Македонија Хенрик Маркуш, Градоначалникот на Ресен Живко Гошаревски, Почесниот претседател на фестивалот Бранислав Мичуновиќ-Жага,

Претседателот на интернационалното жири Мето Јовановски и Ректотот на Интернационалниот универзитет Еуропа Прима и Претседател на фестивалот, Јордан Плевнеш.

Во официјалната конкуренција на онлајн изданието на фестивалот ќе бидат прикажани преставиод регионот и повеќе европски земји, меѓу кои: „Сонот за Хамлет“ во изведба на Ментор Зумберајод Косово, „Тобелија“ од Танцувачкиот театар од Љубљана, „Писмо од непознатата жена“ од Штефан Цвајг, во режија на Милан Маѓарев од Белград, „Дорунтина“ во адаптација и режија на Лаерти Васили од Тирана, а вон конкуренција, во чест на наградените ќе биде презентиранапретставата „Грабнувањето на Елена“ од Лука Чедрола, во изведба на минатогодишнатадобитничка на наградата Актер на Европа, Виола Грациоза од Италија.Претставите ќе можат да се гледаат на веб страната на фестивалот

hMp://www.actorofeurope.net/од 6 до 11 јул

ОТВОРАЊЕ НА 14. ПАНФИЗ НА ОТВОРЕНО – ПЛАТО МНТ

Почитувани,Со оглед на актуелната ситуација во светот со корона-кризата, и ние како фестивал се обидуваме да се прилагодиме на сите протоколи кои се нужни, па така и оваа година, 14. ПАНФИЗ, по втор пат ќе се одржи на отворено и тоа пред МНТ-платото на северозападната тераса.

Местата ќе бидат ограничени (30), во корелација со просторот, а по препорака на Комисијата за здравство. Во случај на невреме претставите ќе се играат на малата сцена на МНТ. Билетите ќе бидат поделени пред претставата по принципот прв дојден прв услужен, за сепак да создадеме некаков ред во однос на препораките. Дезинфекциски средства ќе бидат поставени на видни места за ваша и наша заштита.

Се надеваме дека и овогодишната програма која во прилог ја доставуваме ќе предизвика интерес кај нашата публика, па со внимание ќе го проследиме и ова издание на ПАНФИЗ.

Оваа година имаме ексклузивна македонска фестивалска премиера и тоа во режија и кореографија на Ирена Лозинска – претставата се вика „Четири“ и е сублимат на физички театар, буто, танц и пантомима. „Алис ин Вондербанд“ од Србија и оваа година е на ПАНФИЗ, но овојпат со целодневна работилница наречена „Телото како инструмент“, која ќе биде вистинско освежување за млади таленти, но и постари актери заинтересирани за перкусионистички елементи, пеење, ритмика и актерска игра. Од Бугарија ни доаѓа Александар Илиев, со претставата „Комедија дел’ арте“, а ќе видиме и два буто перформанси, во продукција и изведба на Нектан Арт Центар, Марко Стојановиќ од Србија, а тоа се претставите „Светиот Маченик“ и „Спајдердаст“.Идејата е да не застанеме и да не ја прекинеме традицијата. Продолжуваме да чекориме и да ја промовираме пантомимата и физичкиот театар колку и тоа да изгледа тешко во овие времиња. А тешко е.



НУ МАКЕДОНСКИ НАРОДЕН ТЕАТАР
ул.11-ти Март бр.3 1000 Скопје Република Македонија

Затворена вратата на 22 издание на Фестивалот на монодрама- Битола

Grand Prix

за најдобра претстава „Последната лента на Крап“ од Семјуел Бекет

актер и режија Ѓорги Јолевски

Копродукција на МНТ Скопје и Перипетија Продукција од Скопје

Награда за најдобра режија на Ѓорги Јолевски за

„Последната лента на Крап“

Копродукција на МНТ Скопје и Перипетија Продукција Скопје

Награда за најдобар актер на Биљана Драгичевиќ Пројковска

претставата „Кармен“ од Мигел Делибас

режија Дејан Пројковски

Драмски Театар Скопје

Награда од публиката на претставата „Избувливиот човек“ од А.П.Чехов

актер Ефтим Трајчов Ѓаурски

режија Перо Даниловски

продукција НУЦК „Бели Мугри“ Кочани

Со одлука на жирито во состав на Весна Петрушевска, Тодор Кузманов и Љупчо Ѓоргиевски-Бубе

Разговор со Драган Довлев: „Подрумот“ е сеприсутен во нашето општество и сите сме во него

На ден 23.06.2021 во 20:00 часот во Н.У. Театар за деца и младинци +14

„Дејствието се случува во еден театарски подрум каде што куклите од мртвите претстави почнуваат да прават претстава што треба да биде подобра од оние што се играат горе на сцената. Одвреме-навреме во подрумот влегуваат вработените, кои се живи ликови, но дали куклите ќе успеат во својата мисија и кој во подрумот е кукла, а кој жив, ќе ѝ го оставам на публиката“, вели режисерот Довлев за претставата „Подрум“, која публиката над 14 години ќе има можност да ја види во Театарот за деца и младинци од 23 јуни (20 ч). „Ќе бидеме задоволни ако по оваа претстава почнеме почесто да разговараме за нашите слабости“, додава Довлев

„Подрум“ е прва куклена претстава „за возрасни“. Како дојдовте на идеја за една ваква претстава, како што велите, прва од ваков вид во Театарот за деца и младинци?

Јас не знам од каде и кој ја поставил границата на 16 години, мислам дека оваа претстава можат да ја гледаат и деца од 14 години, па и помлади. Не ми се верува дека децата од таа возраст досега не ги слушнале сите пцости што ги користи нашиот народ. Инаку, и досега сме имале куклени претстави што биле наменети за деца, а биле многу интересни и за возрасните. Ова е првата куклена претстава што не е наменета за деца. Пред сè темата ќе им биде досадна. Идејата за проектот е многу стара, уште од времето на моите постдипломски по куклена режија во Софија, но немало доволно време, ни интерес таа да се реализира.

Што е всушност она што, според Вас, ја карактеризира како претстава за возрасни, која е темата и пораката што ја носи?

Претставата е за младинци и е уште еден обид да се збогати младинската сцена и кога зборуваме за возрасни, пред сè треба да мислиме на младинци. Се работи за некаквоси мое гледање на состојбите во театрите. Се случува во еден театарски подрум каде што куклите од мртвите претстави почнуваат да прават претстава што треба да биде подобра од оние што се играат горе на сцената. Одвреме-навреме во подрумот влегуваат вработените во театарот, кои се живи ликови, но дали куклите ќе успеат во својата мисија и кој во подрумот е кукла, а кој жив, тоа ќе ѝ го оставам на публиката.

Кои се специфичностите на оваа претстава во однос на останатите во однос на сценографијата, начинот на нејзино претставување?

Она што би го издвоил кај овој проект е желбата да направиме претстава „без пари“, во ова ужасно време за сите театри во светов. Оттаму, самата сценографија е составена од стари парчиња декор, стари костими, кукли што и онака стојат складирани во нашиот подрум. Куклите кои играат во претставата се изработени од евтини материјали, трошоците за нив и за реквизитата се тековни – лепило, сунѓер, платно… Безмалку комплетната екипа е вработена во театарот, нема хонорари, музичките изведби на неколку класични дела се подарени (благодарност до Македонска филхармонија и Дино Имери), сè што е платено е под цена, како за пријател. Сè на сè, овој проект чини 15-20 пати поевтино, од тоа колку би чинел со надворешни соработници, нова сценографија, костими…

Како се одвиваше процесот на подготовката на претставата и соработката со актерите?

Започнавме во јануари, но процесот на работа беше прекинат четири пати. Инсистирав максимално да се почитува ковид-протоколот и најголемата пауза траеше два месеца. Паузиравме од почетокот на март до почетокот на мај, што заради опасниот пролетен бран, што заради позитивен случај во самата екипа. Во мај, всушност, како да почнавме од почеток. Од самиот процес сум навистина задоволен, како режисер сум немал толку квалитетен процес. Актерите беа феноменални, без претерување. Неколкукратно ги надминаа моите очекувања. Многу ми е мило што работеа на проектот како да им е последен и сите се блиску до својот максимум што во овој момент можат да го дадат. Многу е важно кога актерите го сакаат тоа што го прават.

Ова е премиера на првата младинска претстава годинава. Сметате ли дека треба да има повеќе претстави за оваа категорија на публика и колку тие се заинтересирани да ги следат претставите за нивна возраст?

Не мислам дека треба повеќе младински претстави, во моментов ги имаме доста. Се надевам дека ќе се вратиме на редовно играње на репертоарот и сите тие претстави редовно да продолжат да се играат. Интересот за вакви претстави треба самите да го поттикнеме. Младите имаат избор, можат да следат претстави што се соодветни за нив и во другите театри. Затоа треба да се стремиме кон квалитет, не кон квантитет. Јас не велам дека токму оваа претстава е квалитетна, само држам палци добро да поминеме, а каква е ќе видиме од среда па натаму.

Очекувате ли дека претставата ќе ја постигне планираната цел?

Целта беше да си поставиме доволно тешка задача за да го предизвика целото наше знаење и искуство и да си ја одработиме работата онака како што треба. Крајниот производ да ги исполнува високите критериуми што самите си ги наметнавме. Ние немаме некоја повисока цел од типот „да се подобрат состојбите во театрите“. Тоа нема да се случи, оваа претстава нема да промени ништо во тој поглед. Нема да станеме подобри професионалци после оваа претстава, нема да бидеме посовесни и поревносни. Не зборувам само за театарџиите. „Подрумот“ е сеприсутен во нашето општество и сите сме во него. Ќе бидеме задоволни ако после оваа претстава почнеме почесто да разговараме за нашите слабости. (Д.Т.)

https://www.vecer.press/

Премиера „КРИК ЗА ЉУБОВ“ за 10 год Охридски театар во режија Љупчо Ѓоргиевски,

ПРЕМИЕРА „КРИК ЗА ЉУБОВ“ – ЖОЗИЕН БАЛАСКО

СРЕДА 16.06.2021 година, почеток 20:00 часот, цена на карта 200 денари,

ГОЛЕМА САЛА!

Режија: Љупчо Ѓоргиевски,

Играат: ЖИЖИ ОРТЕГА: Адријана Билаловиќ Тодороска

ИГО МАРТИЕЛ: Никола Тодороски

ЛЕОН: Ивица Цонев

СИЛВЕСТЕР: Горан Стојаноски

Сценографија: Валентин Светозарев

Костимографија: Андреј Ѓоргиевски

Композитор: Марјан Неќак

Превод од бугарски: Љупчо Ѓоргиевски и Кристина Тодороска Петреска

Дизајн на плакат: Валентин СветозаревДиректор: Горан Симоноски

Инспициент: Филип Ангеличин – Жура

Стручен соработник за култура: Зоран ЛевескиСветло: Борис Велјаноски

Тон: Митко Серафимоски

Гардероба: Линдита Мерко, Деса Лазороска

Реквизита: Маријана Николоска, Соња Крстаноска

Сценски декоратери: Кире Ангелоски, Даниел Андрески, Горан Георгиески, Ѓоко Китоски.

Програмата на фестивалот на монодрама во Битола 2021 год.

Еве ја програмата на фестивалот:

🟪 22-06-2021,вторник

20ч. Свечено Отворање
Сала на Народен театар
„ КАРМЕН” по мотиви од романот “Пет часа со Марио“ од Мигел Делибес
Режија и драматизација-Дејан Пројковски
Актер-Биљана Драгичевиќ Пројковска
Продукција-Драмски Театар Скопје

 22ч.  Пацио на НУ Завод и Музеј
.„ ДНЕВНИКОТ НА ЛУДИОТ“ 2-Човекојадство“
од Лу Син
режија-Ѓорги Ризески
актер-Бобан Алексоски
Продукција на Независен театар Златен Елец од Скопје

 🟪 23-06-2021, среда. 

20ч.  Пацио на НУ Завод и Музеј   

. „ИЗБУВЛИВИОТ ЧОВЕК “
Од А.П.Чехов
режија-Перо Даниловски
актер-Ефтим Гаурскипродукција-НУЦК “Бели Мугри“ Кочани

22ч. Сцена Театар-Бифе
     “КРОТКА“
од Ф.М. Достоевски
режија-Дејан Ангелов
актер-Стојан Велков
Независна продукција на Здружение за култура “Транзен“- Струмица

🟪 24-06-2021 – четврток

 20,00 ч     Сала на Народен театар
.„ПЕТТО ГОДИШНО ВРЕМЕ“
Танц теартарски перформанс
автор-Сашо Димоски
адаптација и режија-Васил Зафирчев
изведува-Олга Панго
Продукција Театар Ј.Х-Џинот-Веле

22ч. Сцена на Театар Бифе 

  „НАЈЛОН“
сценарио и режија-Благој Мицевски
кореограф и танчер-Валентино Апостоловски
Независна продукција

22,30ч. Сцена на театар Бифе
„ ЗОО ПРИКАЗНА“
од Едвард Олби
авторски проект на  Здравко Стојмировски

 🟪 25-06-2021 , петок

 20ч. Сцена Театар- Кафе 

.„ПРВО ЛИЦЕ ЕДНИНА“
Авторски текст од „Приказни за бунтовни девојчиња“
Режија-Драгана Стојчевска Гунин
Актер-Владанка Димковска
Независна продукција  во копродукција со Театар Куманово

22ч .Пацио на Завод и Музеј

„ИСМЕНА“

автор-Катерина Момева
режија-Елеонора Теова
музика и интерпретација-Сашко Костов
актер-Моника Ставревска
Во копродукција на Велешки театар

🟪 26-06-2021, сабота

 12ч.Театарско бифе
         Театарски кафе-муабети
          Офф програма

20ч. Сцена Театар -Бифе
„ЛИДИЈА ИЛИ СЀ ШТО ЗНАМ ЗА ЖЕНИТЕ“
по романот на Тихомир Јанчовски
режија и актерска игра-Игор Трпчески
Театарска Работилница Прилеп

 22ч.Голема Сцена на Центар за култура

 „ПОСЛЕДНАТА ЛЕНТА НА КРАП “
од Семјуел  Бекет
режија и изведба-Ѓорги Јолевски
копродукција  на Македонски Народен театар од Скопје и
Перипетија Продукција од Скопје

🟪 27-06-2021,недела 
20ч. Сала на Народен театар

🟪🟪🟪 СВЕЧЕНО ЗАТВОРАЊЕ и Доделување на наградите
Претстава во чест на наградените

 „ЛУДИ  ЗА ЉУБОВ“ 

 авторски проект на Хари Михајловски,по текст „Луди за љубов“ од Сем Шепард, во режија на Јован Ристовски ,а играат Борис Чоревски, Илина Чоревска, Хари Михајловски и Валентино Апостоловски.

Ве очекуваме од 22 јуни зад отворени врати  🟪

Претседател на жири комисијата ќе биде Весна Петрушевска, а членови Тодор Кузманов театарски критичар и Љупчо Ѓоргиевски режисер од Битолскиот театар.
Ќе се доделат награди за најдобар акатер, најдобра режија и Гран при која покрај статуетката носи и награда од 30.000 денари.

Фестивалот е поддржан од Министерството за култура и Општина Битола ✔️

•ЗАД ОТВОРЕНИ ВРАТИ•

Интернационалниот Фестивал на Монодрама кој од 22 до 27 јуни – Битола

•ЗАД ОТВОРЕНИ ВРАТИ• е мотото на годинашното издание на Интернационалниот Фестивал на Монодрама кој од 22 до 27 јуни ќе се одржува во Битола.

Короната ги згасна рефлекторите минатата година за планираното издание.
Но, организаторот Центарот за култура од Битола не дозволи пандемијата целосно да го замрзне актерското време. 
“Сонувавме за оваа година и за Фестивалот кој сакавме да се одржи. И успеавме, зошто сцената е место на кое луѓето колективно сонуваат.
Овој фестивал ќе биде добар доказ дека театарот секогаш ќе го пронајде својот нов Модус Вивенди со поддршка на Министерството за култура и Општина Битола.”- истакна Маја Андоновска Илијевски директор на Центарот за култура.

Рефлекторите ќе се вклучат на 22 јуни, на неколку сцени низ Битола, а Интернационалниот Фестивал на Монодрама ќе живее 6 денови зад отворени врати со своја официјална и офф програма.

“Mонодрамата, како форма, покажа дека времето на пандемија не може да ја замолчи.
Сведоци бевме на крикот на актерите кои моноспектаклот го избраа да се изразат. И да имаме навистина во време на пандемија и одлучна продукција.
Така, со одлука на Фестивалскиот совет, како селектор ја поддржав идејата сите оние актери од нашата земја, кои во оваа година се појавија со свои проекти, а и од оние кои минатата година беа селектирани, да настапат. 
Ваква една специфична година заслужуваше поинаков третман, а ние како Фестивал ја покажавме својата големина. 
10 монодрами во официјална конкуренција, сите продуцирани во нашата држава, зошто патувањата за гости од странство се сѐ уште проблематични, а е и добра поддршка за домашната театарска продуција. Ќе имаме и еден танц перформанс во офф програмата и премиера на класична театарска претстава во чест на наградените.”- изјави актерот Петар Мирчевски кој е селектор на фестивалот.

Програмата официјално ќе биде соопштена на прес-конференцијата која во понеделник на 14 Јуни од 11 часот ќе се одржи во Малата Сала на Центарот за култура во Битола.

Впечатлив дизајн на плакат и придружни промотивни материјали за фестивалот се објавени на социјалните медиуми, позади кои стои графичката дизајнерка Ангела Христовска.  

Премиера на „Супербајкастично“: „Ин“ е да се грижиш за планетата Земја

 Вечер -12/06/2021

Во Театарот за деца и младинци – Скопје, вечер во 19 часот ќе биде изведена премиерата на претставата „Супербајкастично“, авторски текст на Горјан Милошевски, а во режија на Игор Ивковиќ.

Како што информираат од Театарот, станува збор за еколошка бајка за деца, но и возрасни, чија цел е да ги разбуди емпатиите кај публиката за поголема грижа кон планета Земја, нашиот единствен дом.

– Создадовме еко бајка, која има задача преку досетки, хумор, забава и јасно изградени карактери, да испрати силна порака дека е важна грижата кон животната средина. Со овој проект на младите сакаме да им покажеме дека е „ин“ да си: научник, несебичен, искрен и одговорен пред другите и животната средина, вели Игор Ивковиќ, режисер на претставата.

Авторот на драмата, Горјан Милошевски, додава дека „Супербајкастично“ не е обична претстава за деца, туку е една голема авантура во која преку чудните, духовити, но предупредувачки ликови публиката ќе биде дел од еколошко театарско шоу.

– Во драмата и претставата, двајцата херои, децата Мила и Давид на свои 10 години ја започнуваат најголемата битка за нашата планета. За таа цел Давид создава супер, еколошки велосипед водејќи се по изуми и нацрти на неговите претци – климатолози. Тој велосипед отвора порта кон поинаква, бајковидна димензија каде нашите херои се борат против Небрила Токсичнаја, мајката на целото загадување, кралица на загадениот воздух. За да ја победат тие треба да поминат многу необични, големи и чудни пречки, појаснува Горјан Милошевски, автор на драмата.

Главните улоги на научникот Давид и неговата другарка Мила ги толкуваат Мики Анчевски и Емра Куртишова. Според нив, Театарот за деца и младинци, со овој проект уште еднаш покажува дека покрај тоа што ја забавува детската публика, успешно и ја едуцира.

– Грижата за животната средина се стекнува од „мали нозе”. Дури и едно дете да излезе по претставата со крената свест е голем успех. Грижата за животната средина, науката, другарството, љубовта, влијанието на „инфлуенсерството, мобилната тегнологија, трендсетерството”, се само дел од нештата вметнати во оваа навидум „лесна” и „едноставна” претстава, вели Анчевски.

За Куртишова, претставата носи силна порака за глобалното загадувањето, но зборува и за сплотување на две дечиња кои се дијаметрално различни, при што на крајот, вели, победува љубовта и разбирањето.

Директорктата на Театарот за деца и младинци, Катарина Илиевска Силјановска, која во оваа претстава се појавува во повеќе улоги, смета дека нема ништо поголемо и поважно од зачувување на околината, животната средина, а со тоа и здравјето на сите нас.

– Како поинаку ќе ги стекнеме тие навики, освен со секојдневно повторување на работите како рециклирање, селектирање отпад, што помалку користење на пластика и така натаму. Во оваа наша најнова претстава преку многу игра и хумор се обидуваме да го доближиме тој современ начин на живеење кој треба да ни е секојдневие. Особено сум среќна што сум дел од претставата Супербајкастично, зашто се говори за нашето еко освестување“, вели Илиевска Силјановска.

Сценографијата за претставата е на Филип Коруновски, костимите ги дизајнираше Елена Вангеловска, автор на музиката е Оливер Јосифовски, маскотите се дело на Маре Трајковска, а корегорафијата на Дафина Даниловска – Кочевска.

Репризите на претставата се закажани за утре (13 јуни) од 12:30 часот и на 17 јуни од 19 часот.

https://www.vecer.press/

„РАЗВЕДИ МЕ“

РЕЖИЈА: Роберт Ристов

„РАЗВЕДИ МЕ“ е едно од двете поглавја од ФЛИП ИЗДАНИЕТО на претставите со заеднички наслов „ДВЕ НИЈАНСИ ЦРВЕНА“. Ова е еден уникатен начин да се опфатат две теми/ претстави кои се во нераскинлива врска и претставуваат лице и опачина, едната на другата.

Ако мракот значи недостиг на светлината, а црвената ни го означува присуството на љубовта, дали во миговите на бес, при намаленото присуство на светлина, умееме да го согледаме присуството на нијансите на црвена? Дали љубовта кон себеси го намалува интензитетот на сакањето на партнерот? Каде е границата? Како можеме да го процениме квалитетот на врската во која се наоѓаме? Дали љубовта треба и да боли или само да нè разнежнува и мотивира да растеме и да се менуваме?  Дали таа е „прекинувачот“ за нашата среќа? Дали љубовта мора да се круниса со БРАК, или бракот е само старомодна архаична институција со која општеството го стигматизира човекот за да може полесно да го манипулира? Дали неверството мора да се запечати со РАЗВОД? Овие скокотливи теми ќе бидат експлицитно отворени и дефинитивно ќе ве стават во ситуација да ги преиспитате воспоставените општествено-морални вредности. Ќе ве натераат да ги согледате нијансите во сопствената врска, мотивирајќи ве да ја засилите нијансата на црвена (љубовта).

Овие две поглавја на „ДВЕ НИЈАНСИ ЦРВЕНА“ ќе ве подзамислат, но со сигурност и ќе ве насмеат до солзи.

Драматизацијата на двете претстави Роберт Ристов ја работеше по мотиви на урбаните сценарија: „Ожени ме“, „Развод“, „Заедништво“, „Храна и љубов“ и „Брачна приказна“.

Мирјана Поповска Ристов и Роберт Ристов

Во претставата „Разведи ме“ во улогите на брачните партнери на сцена ќе играат Мирјана Поповска Ристов и Роберт Ристов, а во снимените видеа играат актерите Зорица П. Панчиќ (како Марта), Љубиша Савановиќ/гостин од  БиХ (љубовникот) и Благоја Чоревски (таткото). Претставата е финансирана од Општина Гази Баба. Зад режијата, сценографијата и изборот на костими за оваа претстава е потпишан Роберт Ристов. Кореографијата е на Марија Бејкова.

Премиера на „Петтото годишно време“ во Велешкиот театар

Во сабота, на 12-ти јуни 2021 година, на големата сцена „Петре Прличко“ со почеток во 20 часот, а во рамките на свеченото затворање на „Рациновите средби“, Народниот Театар „Јордан Х.К.-Џинот“, Велес премиерно ќе ја изведе претставата „Петтото годишно време“ по текст на Сашо Димоски, во режија на Васил Зафирчев, а во изведба на балерината Олга Панго.

„Петтото годишно време“ е магистерска претстава по театарска режија на Васил Зафирчев, под менторство на проф. Дејан Пројковски на Факултетот за театарски уметности на Универзитетот „Еуропа прима“ во Скопје. Танцтеатарски моноперформанс кој ги истражува и имплементира авторските и уметничките постапки од постдрамскиот театар и танцтеатарот.

Сценографијата, видеото, илустрациите и рекламниот материјал за претставата се на Филип Коруновски. Костимографијата е на Раде Василев, а автор на аудиодизајнот и музиката е Сашко Костов.

„Петтото годишно време“ е претставата за една балерина на 73 години, сместена во старечки дом, која иако боледува од Алцхајмерова болест, грчевито се бори да ги евоцира и оживее најзначајните моменти, настани и случки од нејзиниот минат живот, со цел да стигне до нејзиниот вечен сценски момент, кој практично ќе значи и нејзина конечна физичка смрт.

Првата реприза на претставата е на 16-ти јуни, а на 24-ти јуни претставата ќе биде изведена и во рамките на фестивалот на монодрама во Битола.