Month: June 2018

професор Христо Петрески

ЗА РАСКАЖУВАЊЕТО, ПАТУВАЊЕТО И СОНУВАЊЕТО

Мал есеј за животот, книжевноста, театарот, филмот…

2.

Уште кога немавме радио, татко ми секоја вечер ме заспиваше раскажувајќи ми приказни.

А, потоа тоа го правеа Никола Автовски и Борис Мајсторов.

Најсладок беше сонот по раскажаните приказни, зашто продолжував да патувам по измислените и замислените предели, заедно со надреалните и џиновските јунаци, и така бегајќи од нив или трчајќи по нив прескокнував планини, препливував мориња и океани, за кога ќе се разбудев испотен од страшните соништа – да не можам да поверувам дека безгранично скитав и талкав, па дури и летав цела ноќ, а сé уште се наоѓам испотен во мојот тесен кревет…

Меѓународното жири на 5. Интернационален фестивал на комедијата  „Гола месечина“ 2018, што се одржа од 18 до 24 јуни, во состав Иван Лео Лемо (претседател на жирито), Магдалена Ризова Черних (член) и Љупчо Петрушевски (член), по проследувањето на шесте претстави (три од Македонија и три од регионот) едногласно ја донесе следнава одлука:

1. Наградата Гран при за најдобра претстава се доделува на „Једваносимсобоакаломистобо“ на „Сараевскиот воен театар – САРТР“, Босна и Херцеговина.

2. Наградата за најдобра режија му се доделува на Алеш Курт за претставата „Једваносимсобоакаломистобо“ на „Сараевскиот воен театар – САРТР“, Босна и Херцеговина.

3. Наградата за најдобра машка улога му се доделува на Фаик Mефаилоски за ликот на Ерџан во претставата „Синиот портокал“ на „Театар Џинот “ од Велес, Р. Македонија.

4. Наградата за најдобра женска улога ѝ се доделува на Сања Крстовиќ за ликот на Живка (Г-ѓа. Министерка) во претставата „Госпоѓа Министерка“ на Народниот театар од Ниш, Р.Србија.

5. Награда за најдобра епизодна улога се доделува на  Анета Томашевиќ за улогата Госпоѓа Потер во претставата „Kидај из моје кухиње” на Шабачкиот Театар.

6. Награда за костимографија се доделува на Елена Дончева за претставата „Дванаесетта ноќ (спроти Водици)“  на  Н.Т. „Антон Панов“ – Струмица.

7. Награда за млад актер им се доделува на актерите Ефтим Трајчев Ѓаурски од Н.Т. Штип, за улогата во претставата „Умри машки“ и на Давор Сабо од „Сараевскиот воен театар – САРТР“ за улогите во претставата „Једваносимсобоакалимистобо“.

Вечерва фестивалот ќе се затвори со претставата „Тоби“ во продукција на Театар за деца и младинци – Скопје, по што следува официјалното доделување на наградите, а веднаш потоа ќе го проследите настапот на стендап комичарот Марјан Ѓорѓиевски.

12 претстави според драмите на Вилијам Шекспир, на десет јазици, и во изведба на околу 300 актери, домашни и странски, го сочинуваат, шесто по ред, издание, на театарскиот фестивал Битола Шекспир фестивал, кое почна синоќа 23 јуни и ќе трае до 30 јуни.

Со изрека од Шекспир градоначалничката на Битола, Наташа Петровска, го отвори фестивалот во Народниот театар во Битола, а битолскиот глумец Огнен Дранковски, кој работи и твори и во Глоуб Лондон го најави отворањето, признавајќи дека има блага трема од возбуда.

Фестивалот почна со изведбата на “Јулие Цезар- Рес Публика или Коза Ностра” на домаќините, битолскиот народен театар, со Соња Михајлова, Иван Јерчиќ и Петар Горко во главните улоги. Вечниот Шекспир пренесен на сцена низ една актуелна призма, одново го постави прашањето кој владее со општеството, и дали имаме республика или коза ностра? По бурните аплаузи, домаќините и гостите актери од Хрватска, Романија, Казахстан и други земји, славеа во Белата куќа, со одличниот рок бенд “Ние, другарите”. Во следните денови, како што ни откри актерот Борис Чоревски, по секоја претстава во холот на театарот ќе следува забава со некој бенд. “Кралот Ричард Трети”, “Шекспир сонет 66″, ” ЈасХамлет”, “Отело-незаконска литургија”, “Сонот на Вилијам”, “Ромео и Јулија не трагедија”, “Магбет”, “Жените на Шекспир”, концерт “Шекспир акапела”, “Кралот Лир” и “Зимска бајка”, е програмата на фестивалот. Театарска Битола цела седмица ќе пулсира во ритамот на вечните дела и мисли на најславниот драмски пишивач, Шекспир. Фото: Стефан Ѓоргиевски

Валентина Ѓ. Парго

„Смешно чудовиште“ ги одушеви и децата и членовите на жирито
– Нова Македонија – 12.08.2014
ЧЕТВРТО ИЗДАНИЕ НА ТЕАТАРСКИОТ ФЕСТИВАЛ „БИТОЛИНО“ Над 1.000 љубители на театарската уметност минатата недела во Битола ги следеа претставите на учесниците на 4. издание на детскиот театарски фестивал „Битолино“. Покрај членовите на театарската школа „Бабец“, која е и иницијатор за одржување на оваа манифестација, на фестивалот учествуваа и театри од Италија, Хрватска, Романија, Србија и од Израел. „Битолино 2014“ се одржуваше во големата сала на Центарот за култура, во рамките на битолското културно лето „Битфест“. – Одамна не се памети кога имало толку многу посетители на театарски претстави во Битола. Таква публика, каква што имаше сите три дена, додека траеше фестивалот за деца „Битолино“, им посакуваме и на најреномираните театарски куќи. Иако претставите се играа на разни јазици, сепак сите добро ги разбраа, бидејќи сите актери зборуваа на еден, на јазикот на театарот – вели директорот на фестивалот „Битолино“,Васко Мавровски.ОПРАВДАНИ ОЧЕКУВАЊА Тој додаде дека фестивалот во целост ги оправда очекувањата.- Ова издание беше едно од најдобрите досега. Нашите амбиции беа на годинашниот фестивал да настапат помалку театри, но со висок квалитет, што се покажа како сосема добар потег. Навистина сите три дена, додека траеше фестивалот, видовме неколку извонредни претстави. Годинашното издание на „Битолино“ е најдобра препорака за идното јубилејно издание, кое ќе се одржи петти пат – рече Мавровски.Овој познат актер на Народниот театар-Битола е еден од иницијаторите за неговото одржување.Инаку, годинашниот четврти по ред ИДТФ „Битолино“ почна во понеделникот, 5 август, со „Алиса во земјата на чудата“ од Луис Керол на Детскиот културен центар Белград од Србија, во режија на Ања Суша. Оваа интерактивна и едукативна претстава со минималистичка сценографија познатата приказна ја долови на малку поинаков начин, но сепак близок до децата.Во текот на следните денови беа прикажани и претстави од Израел, Романија, Хрватска и од Италија.ГОЛЕМ ИНТЕРЕС Од Израел ја видовме куклената претстава „Кога сѐ беше зелено“ на Дикла Катц и Ави Злича од театарот „Клуч“ од Тел Авив. На големо задоволство на младата публика претставата се одржа двапати.- Тоа е пиеса без зборови, за едно момче и дрво, за децата и возрасните, за зеленилото и бетонот. Оваа претстава учествувала на фестивали во Унгарија, Сенегал и во Јужна Кореја и е добитник на Наградата за најдобар детски мјузикл за 2014 година – рекоа авторите Дикла Катц и Ави Злича.Тие додадоа дека одлично се чувствуваат во Битола и оти им е драго што децата во публиката целосно биле внесени во претставата.Интерес побуди и претставата од Романија „Падобранци“ на Ивица Шимич, во продукција на „Тандарика театар“ од Букурешт. – „Падобранци“ се смета за култно дело на Шимич, кое е одиграно на три континенти на многу светски фестивали, во Сиднеј, Вашингтон, Токио, Лондон. Тоа е претстава што навидум се занимава со гравитацијата, а всушност зборува за животот, кој е испреплетен со подеми и падови и во кој сите по малку сме падобранци – рече Олга Бела.На третиот и последен фестивалски ден ја видовме хрватската претстава „Смешно чудовиште“ на Ана Пролич, во продукција на „Мала сцена“ од Загреб, работена според текстот на јапонскиот драматург Асаја Фуџита. Таа зборува за љубовта меѓу чудовиште и една слепа девојка. Беше прикажана и италијанската пиеса „Елмеровите соништа“ на Џорџо Пузоли, во продукција на „Театар сенка“ од Марцало. Во неа се зборува за едно мало слонче Елмер, кое се бори да ја ослободи саваната од луѓето и нивното ѓубре. ПРИКАЗНА ШТО ОСТАВА БЕЗ ЗДИВ Стручното жири во состав Валдет Рама, актер и режисер од театарот „Додона“ во Приштина, Борис Чоревски, доајенот на битолскиот театар, и Бојана Артиновска-Трпческа, ликовен уметник, најпрестижното признание на фестивалот „Гран-при“ ѝ го додели на претставата „Смешно чудовиште“ на театарот „Мала сцена“ од Загреб, Хрватска. Во претставата улогите ги толкуваа младите глумци Дајана Бјондиќ, Петар Цвирн и Иван Вукелиќ, кои оставија одличен впечаток, а одлична беше и костимографијата.
– Станува збор за детска претстава, која остава без здив, која ќе ве насмее, ќе ве расплаче, ќе ве воодушеви со својата естетика, одличната актерска игра на тројцата актери, прекрасните костими и пред сѐ уникатната приказна, која поставува прашања за тоа како гледаме на другите луѓе, како се препознаваат чудовиштата, по срцето, по ликот или по делата. Оваа претстава беше вистинско уживање да се проследи – изјавија членовите на жири-комисијатаМошне добар впечаток оставија и младите актери на театарското училиште „Бабец“, кое работи во игротеката „Мали генијалци“. Нив ги видовме во претставата „Вреќа полна желби“, под менторство на Јулијана Мирчевска.

ПОВЕЛЕТЕ ВЉУБЕНИЦИ ВО УБАВИОТ ЗБОР!!!

Да се дружиме во негова чест, бидејќи токму денес требаше да го прослави својот 48 роденден!.

“ Шиле “ монографија за Васил Шишков 
автор Борче Грозданов 

ОД АВТОРОТ

Клучалка отворена за сите

Да се распостели еден живот, човечки, човечно, непосредно, со сите недостатоци и доблести, а притоа да не се задржи дозата на воајеризам, да се исклучи сеирџизмот, неискрените намери, па дури и цинизмот, особено ако се работи за еден турбулентен бит, каков што е тој на Васил Шишков, не само што е невозможно, туку е и непожелно.
Ова е, пред се, така бидејќи, самиот тој си ја распостилаше душата, пред се и над се , знаејќи дека задгрбното озборување не му бега, “ копањето ”, по неговите рани, исто така, само и само за да се задоволи eгото, помало од зрно прашина, на не мал број негови “душегрижници“!
За жал, тоа, беше негово секојдневие, па така, авторот на ова писание – животопис, не ја исклучува можноста дека и тој, но и сите вие, кои ќе допрете до ова четиво, нема да го осквернавите со некоја си своја “ квази тема за дилема ”… / ПРОДОЛЖУВА /

На 22 јуни (петок) во Македонски народен театар, а во рамките на Скопско лето гостува театарот Гавела од Загреб со претстава „Крал Рикард III“ од Вилијам Шекспир, во режија на Александар Поповски

„Гавела“ ја крена летвичката неверојатно високо и нема да биде лесно да и се парира…Тоа е Шекспир кој говори за нас. Поповски околу Ричард реди многу женски улоги, кралици, сите редум осквернети во крвавата борба за тронот. Бојана Грегориќ Вејзовиќ како кралицата Маргарета оствари една од своите најдобри улоги, а во чекор ја следат: Дијана Видушин, Славица Кнежевиќ и Мартина Чвек. (Бојана Радовиќ, Верчерњи лист)

• За претставата се користени препеви и преводи од Богомил

  Ѓузел, Драги Михајловски и Георги Сталев на делата „Сон на

  летна ноќ“; „Ромео и Јулија“; „Магбет“ и „Хамлет“.

  Користењето музика од времето на Шекспир, како и друга

  класична музика е со цел децата да се запознаат и со

  прекрасните дела на големите композитори на класичната

  музика (P.Attaignant, J.Playford, W.A.Mozart, Purcell, G.Verdi,

  M.Mussorgsky).

  Овој жанр, наречен – фантазија, апелира не само на мислите

  и чувствата, туку и на фантазијата, на имагинацијата, на

  неочекуваните пресврти.

  Претставата „Сонот на Вилијам“ е посветена на театарски

  критичар и театролог, Иван Ивановски, меѓу другото

  пишувал за деца