Илија Волчески – актер

 

 

Во прво лице

ВО СЕКОЕ ЗЛО, ИМА ДОБРО

  1. ЗА СЕБЕ: Си знам јас за себе, а вие не знам што мислите и што знаете за мене.

2 . ЗА ЉУБОВТА: Ја има кај секој човек во различен облик на различен начин.

  1. ЗА ЖИВОТОТ: Вака или така, убав е, сепак е живот. Треба да се цени и да се сака.
  2. ЗА ТЕАТАРОТ: Откривање на ново и ново и ново.
  3. ЗА ДОБРОТО: Постојано го има околу нас, само треба да го видиме.
  4. ЗА ЗЛОТО: Во секое зло има добро.
  5. ЗА НЕПРИЈАТЕЛИТЕ: Нека се здрави и живи.

 – А, ПРИЈАТЕЛИТЕ? И тие нека се здрави и живи и нека бидат искрени кон себе и кон мене.

  1. ЗА ГЛУМАТА ВО ЖИВОТОТ: Глума колку сакате, само нека не се меша каде што не и е местото.
  2. ЗА СЦЕНСКАТА ПРАШИНА: Кој ја гледа прашината кога пред себе има полни раце работа.
  3. ЗА КОЛЕГИТЕ: Фала им за тоа што го направиле за мене свесно или несвесно.
  4. ЗА НЕОДИГРАНИТЕ УЛОГИ: Ќе ги изиграм со тек на време, се надевам.

12 . ЗА ИДЕЈАТА: Нема лоша идеја, затоа што сепак секоја идеја е излезена од нас, значи нешто не испровоцирало за да излезе од нас.

  1. ЗА СОНОТ: Не ги памтам сите, неколку само.
  2. ЗА ЈАВЕТО: Тоа е што е, не знаеме што ќе биде.
  3. ЗА ВИНОТО: Не пијам алкохол, ама кога пробав вино, кисело ми беше.
  4. ЗА СЕМЕЈСТВОТО: Тука е за мене секогаш, ме сака и ме поддржува, а јас сум му многу благодарен за тоа.
  5. ЗА КРАЈ: Бидете сите здрави и живи пред се, друго само ќе си дојде.