Во прво лице
ЗА НЕОДИГРАНИТЕ УЛОГИ – ШТО Е МОЕ ЌЕ СИ ДОЈДЕ!
ЗА СЕБЕ: Едно од најтешките прашања хаха..јас сум човек кој не знае да ги сокрие чувствата ,едноставно на момент многу кроток,на момент како ѕвер.
ЗА ЉУБОВТА: Таа е моторот за животот мој.
ЗА ЖИВОТОТ: Приказна која постојано има успони и падови, се пишува во секог миг,а во неа многу лица,некои епизоди пократки,некој подолги,а некои, и во главните улоги.
ЗА ТЕАТАРОТ: Мојот втор дом. Таму растев како дете,благодарение на моите родители,а сега созревам како личност низ сите мои ликови на сцената.
ЗА ДОБРОТО Тоа е мојата формула за успех, иако многупати велев зошто таа формула,но му благодарам на бога што доброто е моја формула за успех на секое поле.
ЗА ЗЛОТО Имав искуство и со него,ми го наметнаа и многу посакуваа да ми биде формула и патоказ,но јас почувствував дека тоа не е вистината и веднаш под итна постапка го отргнав од себе.Не сакав да е моја формула за живот, како на некои, други.
ЗА НЕПРИЈАТЕЛИТЕ Благодарение на нив ги имам пријателите.
– А, ПРИЈАТЕЛИТЕ? Е, тоа е еден од моите големи успеси.Имам веќе и децениски пријателства.Драго ми е што е така.Неколку се,се надевам дека вечно ќе траат.
ЗА ГЛУМАТА ВО ЖИВОТОТ Во животот не глумам никогаш иако многу често ми велеле- ај доста глумиш, хахаха…На сцената е местото за глумата, а во животот најважна е искреноста.
ЗА СЦЕНСКАТА ПРАШИНА Вирус без кој не се може. Вирус за среќа.
ЗА КОЛЕГИТЕ Сите ги почитувам но со многу малку се дружам приватно.Имам неколку колеги со кои се дружиме.
ЗА НЕОДИГРАНИТЕ УЛОГИ Предизвик за идината. Што е мое ќе си дојде.
ЗА ИДЕЈАТА Во секој миг е присутна во мојот ум. Понекогаш нескротлива,но се навикнав и се научив да функционирам со нејзиниот нагон… хахаха
ЗА СОНОТ Ех, без него ништо. Сепак ќе го зачувам само за себе.
ЗА ЈАВЕТО Се трудам во секој миг да ми е интересно.
ЗА ВИНОТО Не го обожувам! хахаха
ЗА СЕМЕЈСТВОТО Темелот на мојот живот ,за него секогаш се.
ЗА КРАЈ Вербата во себе и чистата мисла да ја има секој во нас.