Замина. Тивко, неприметно, лесно, како што се појавуваше во ходниците на театарот. Секогаш тука, во неговиот театар, на неговиот престол, на понекое кафе и понекоја цигара. Одличен актер – несреќен човек. Ги одигра своите улоги и во Суботица и во Штип и на филмското платно и на телевизиските екрани. Ги одигра одлично, професионално, со љубов. Ја одигра и својата последна, онаа да живее и да дише за и во театарот.